Rekki #2 - Brúsknefjaræktun, L134 og Endler

[keli]

Er að dunda mér að smíða þetta. Kíttaði búrin í gær. Mála bak og botn svart í dag og svo á morgun ætla ég að setja skilrúmin upp. Búrunum verður skipt í 3x 40 lítra helminga. Sameiginlegt filterkerfi (öll búrin eru boruð) og UV ljós til að forðast smit á milli búra. Sírennsli til að sleppa við vatnsskipti.



Pósta meira þegar ég hef meira til að sýna


(Mynd tekin í farsímanum mínum)

[malawi feðgar]

glæsilegt gaman að þessu

[ellixx]

hvar er rekki #1

[Jakob]

Flott. Hvað á að rækta í þessu?

[keli]

Það fer eitthvað skemmtilegt í þetta

[malawi feðgar]

hvernig málningu nota þú á glerið?

[keli]

combicolor (minnir mig að hún heitir). Þetta er lakk sem er til í mörgum litum í húsasmiðjunni. Er venjulega notað á járn. Kiddi í dýragarðinum benti mér á að nota það.

[Sven]

Þetta lookar vel! Þú ert líka með sírennsli í hinum rekkanum er það ekki? hvað verður þú með mikið rennsli á þessum? Hvað eru þetta, tæpir 500 lítrar allt í allt?

[keli]

Jú, ætla að vera með sírennsli í þessum líka, það er eina vitið. Lúxus að þurfa ekki að skipta um vatn

Sírennslið er reyndar ekki alveg sírennsli, í rekkanum sem ég er með heima er ég að skipta um svona 60-80 lítra á dag. Ég geri það með timer sem fer í gang í klukkutíma í senn, 4x á dag. Á meðan hann er í gangi rennur rólega í búrið, uþb 20 lítrar í hvert skipti. Með því að gera þetta svona þá eru mjög litlar sveiflur á hitastiginu.

[keli]

Skilrúm komin.. Ætli ég smelli ekki vatni í búrin á mánudaginn..

[forsetinn]

þetta er að detta í flott guppy búr

[keli]

Já, það kemur vel til greina að vera með gúbbí, amk í einhverjum af þessum búrum. Ég ætla svo að vera með nokkur ankistrupör þarna. Það ætti að henta vel að vera með gúbbí með þeim.

[keli]

Fullt af pípulögnum eftir.. Ætli það fari nokkuð vatn í fyrr en á morgun.

[Nielsen]

mjög smekklegur rekki (9.5/10)

[hrafnaron]

verður þetta búr sem er neðst sumpurinn eða?

[keli]

Nei ég verð líklega með annan sump við hliðina á því.

[Jakob]

Kemur fjandi vel út bara.

[Squinchy]

Málað svart, smekkleg hilla, svona á að gera þetta!, hvernig lýsingu ertu að spá i að setja í og hvernig return dælu ?

[keli]

Ég var að hugsa um að setja 3x 3w díóður í hverja hillu sem lýsingu. Eyðir litlu rafmagni, tekur lítið pláss, þarf ekki að skipta um peru (ever) og gefur mér tækifæri til þess að föndra! Ég á líka alla parta í það nema álprófílana til að kæla þær.

Return dælan er eheim 1060 sem ég átti ofaní kassa. Hún ætti að duga eitthvað.

[Bruni]

Lítur vel út Keli. Hvaðan er rekkinn og hvað þolir hver hilla.

[Jakob]

Lítur vel út Keli. Hvaðan er rekkinn og hvað þolir hver hilla.

Og öllu heldur, hvað kostaði hann?

[keli]

Rekkinn er úr ísold. Hver hilla þolir 200kg (þeir eiga líka sterkari hillur sem þola eitthvað yfir 400kg). Svona rekki kostar um 15þús.

[Bambusrækjan]

Hvaða mál er á rekkanum ? LxHxB ? Þetta project er að gefa manni fullt af hugmyndum

[keli]

Þeir eiga svona rekka í öllum stærðum og gerðum. Þessi er 210cm hár 40cm djúpur og 90cm breiður. Þeir eru til breiðari, mjórri, hærri, lægri, dýpri og grynnri. Með öðrum orðum þá ætti hver sem er að geta komið svona fyrir hjá sér

[Gunnar Andri]

mætti ég spyrja hvað er heildar efniskostnaður á þessu hjá þér semsagt:
Gler
Kítti
Rekki(15þús)

[keli]

Gler 15.000kr
Rekki ~15.000kr
Demantsbor, 35mm (fyrir gegnumtök) ~2.500kr
Silikon 3 túpur, ~2.400kr
Pípulagnir ~10.000kr
Málning ~3.000kr
Málningarrúlla ~ 1.000kr

Samtals ~48.900kr

Það eina sem vantar inn í þetta er dælan og lýsingin, bæði eitthvað sem ég á fyrir. Það væri líklega hægt að spara eitthvað hér og þar, en ég vildi hafa þetta akkúrat svona og þá er minna hægt að spara.

[Vargur]

Það má kannski geta þess að glerið fékkst á góðu verði en eðlilegt verð væri um 30.000.-

[keli]

Já það er líklega rétt að taka það fram, glerið hefði kostað rúmlega 30.000kr í íspan. Kúdos til Vargsins fyrir að redda mér tombólugleri

[prien]

Virkilega vel úr garði gjört.
Hvað ert þú annars með undir búrunum í rekkanum eða sitja þau bara á jöðrunum?

[keli]

Ég skar niður krossviðsfleyga sem eru undir búrunum. 4stk undir hverju búri. Það mæðir þó mest á þeim sem eru á endunum.