Gourmet

[henry]

Keypti nautshjarta í dag og við hjúin mixuðum úr því fiskamat í kvöld. Ákvað að skella þessu í sér þráð ef einhverjir eru með uppskriftir og stöff því mér hefði þótt þægilegt að hafa svona þráð.

Nautshjörtu fyrir Discus
Fékk þessa uppskrift hjá Svavari Discusgúrú. Hann reyndar mælir með smá fiski eða rækjum, en þegar ég sá að fiskflökin í frystinum voru með roði þá hætti ég við að hafa fisk með.

Uppskrift

• 1 stk nautshjarta (2kg)
  1 bakki af fersku spínati
  3 lúkur af haframjöli
  2 geirar af hvítlauk
  3 msk af þurrfóðri (t.d. Tetra Variety)
  3 plötur af matarlími
  250ml vatn

Aðferð

Mynd 1. Hráefnið: Hvítlaukur, nautshjarta, haframjöl, spínat, matarlím, þurrfóður.

Mynd 2. Hjartað, sést utanáfitan.

Mynd 3. Hjartað, æðar og sinar

Takið hjartað og skerið alla fitu utan af því. Skerið það síðan í fernt eftir endilöngu (niðurávið m.v. mynd 2), og skerið burt æðar, himnu, sinar, og allt sem er ekki kjöt. Setjið í Matvinnsluvélina og af stað á hæsta styrk.


Mynd 4. Hjartað eftir að búið er að hreinsa alla fitu, sinar, og æðar af.

Mynd 5. Afgangurinn af hjartanu, fer í ruslið

Meðan kjötið er að hakkast, skolið spínatið, takið utan af hvítlauknum og raspið hann niður. Þegar kjötið er orðið að algjöru mauki, bæta við spínati, hvítlauk, þurrfóðri, og haframjöli. Setja matvinnsluvélina aftur á hæsta styrk. Ágætis tími til að ganga frá og þurrka af bekknum meðan sjatnar í vélinni og allt fer saman í mauk.


Mynd 6. Hjartað eftir hökkun

Þegar allt er orðið að mauki, færið kjötið úr matvinnsluvélinni í stóra skál. Setjið vatnið í pott og brjótið matarlímsplöturnar út í. Setjið á hellu og hækkið undir, hrærið í þangað til plöturnar eru bráðnaðar. Hellið matarlíminu út í kjötblönduna í litlum skömmtum og hrærið saman við með sleif.

Þegar allt er klárt er gott að taka litla nestispoka og setja tvær matskeiðar af kjöti í einu í poka og fletja út með kökukefli eða bara puttunum í eins þunnar plötur og hægt er. Gerið einfalt brot á pokann og notið límband eftir brotinu til að loka pokanum svo það leki ekki úr honum. Staflið plötunum upp og setjið að lokum í frysti.


Mynd 7. Verið að pakka í plastpoka

Mynd 8. Frosinn poki. Mixið er mjög þunnt

Þegar gefa á er hægt að taka plöturnar og brjóta af þægilegan bút.

[Sven]

Frábær pistill!! Er þetta mix annars ekki fínt fyrir flesta aðra fiska líka? Þetta er náttúrulega alveg hellings magn af gourmet fóðri á fínasta prís! Hvað kostaði eitt nautahjarta annar?

[keli]

Held að hann hafi borgað 250kr fyrir hjartað Kom fram í discusaþræðinum hans.

Fínn pistill, ótrúlegt hvað fólk hefur mismunandi innihald í nautshjartauppskriftunum sínum

[henry]

Ég borgaði 500 kall fyrir hjartað (250 kr/kg).

Þetta ætti að vera fínt fyrir aðra fiska líka. Tetrur og gullfiskar háma þetta allavega í sig. Örugglega ódýrasta fóðrið líka. Kostar kannski hámark þúsund kall hráefnið í þetta, og mikið af þessu til á heimilinu (haframjöl, þurrfóður, hvítlaukur, spínat.) Og þetta er að fara að endast muuun lengur en 75gr/250ml dolla af Tetra Prima t.d. sem kostar >2000 kall í dýrabúð. Og fiskarnir eiga að stækka mun hraðar á þessu og taka lit.

Keli: Ertu með uppskrift?

[Squinchy]

http://www.fiskaspjall.is/viewtopic.php?p=48650#48650

Þetta er innihaldið í mínu fóðri

[henry]

Squinchy: Næs! Hvernig fer spirulina duftið í vatninu? Helst þetta saman eða skýjar það vatnið?

[keli]

Uppskriftin mín er svosem svipuð - ég nota bara það sem ég á hverju sinni.

Ég sleppi því alveg matarlíminu.

Seinast var þetta ca. svona:
Nautshjarta
Dass af rækjum
Dass af ýsu
4-5 pressaðir hvítlauksgeirar
spirulina flögur
ca hálf lítil dolla af fiskafóðri


p.s.
Tetra prima/discus kostar ca. 2500kr fyrir 4 dollur hjá mér

[henry]

Keli: Já, ég verð að tékka á því þegar ég klára mína dollu.

[Squinchy]

þetta helst vel saman og fer ekki í vatnið

[henry]

Tók eina mynd til að sýna hversu þunnt þetta er í pokunum. Pokarnir eru ca. 21x31cm. Kjötmixið hálf gagnsætt. Mjög auðvelt að rífa af þessu bita.

[Sven]

hvar fenguð þið nautshjarta? Hringdi í melabúðina og nóatún og þeir í kjötborðinu sögðust ekki hafa verið með þetta lengi.

[henry]

Ég fékk þetta hjá Kjarnafæði á Akureyri.

[Sven]

Djöfull eru pylsurnar frá kjarnafæði góðar!!
Verst er að ég held að þeir séu með alla kjötvinnsluna fyrir norðan.
Er kjötvinnslan hjá SS ekki öll einhversstaðar á suðurlandi? Er eitthvað sláturhún á höfuðborgarsvæðinu?

[henry]

Ég notaði leitina aðeins og sé að gudrungd o.fl. hafa verið að fá þetta sérpantað í Kjöthöllinni og borgað 300kr/kg. Ég fékk mitt á 250kr/kg, en 300 er alveg ásættanlegt. Myndi skunda í Kjöthöllina bara.

Pípó var svo að láta Nóatún sérpanta þetta handa sér á einhvern megapening.

[Sven]

takk fyrir það. Melabúðarmelurinn bauðst til að panta fyrir mig, bjalla þá á hann.

[animal]

Ég borgaði 500 kall fyrir hjartað (250 kr/kg).

Þetta ætti að vera fínt fyrir aðra fiska líka. Tetrur og gullfiskar háma þetta allavega í sig. Örugglega ódýrasta fóðrið líka. Kostar kannski hámark þúsund kall hráefnið í þetta, og mikið af þessu til á heimilinu (haframjöl, þurrfóður, hvítlaukur, spínat.) Og þetta er að fara að endast muuun lengur en 75gr/250ml dolla af Tetra Prima t.d. sem kostar >2000 kall í dýrabúð. Og fiskarnir eiga að stækka mun hraðar á þessu og taka lit.

Keli: Ertu með uppskrift?

Alveg um að gera að búa svona til alveg sama hvernig fiska maður er með ( Nánast).
Þegar ég var með stóru skrímslin í sjávarbúrinu, þá gaf ég mikið ansjósur, frosnar úr Fiskó, og fór af einhverri rælni að henda afgöngum af þeim í regnbogafiskana, og þeir átu þær einsog brjálaðir væru og þvílíkt kjarnorkufóður. Þannig að gefa hugmyndafluginu lausan tauminn, svona oftast.