grindur í gæludýrabúr....

[gudrungd]

getur einhver ráðlagt mér hvar ég fæ grindur eða net sem hægt er að nota í dýrabúr? helst eitthvað grófara en hænsnanet og grindur sem gæti jafnvel verið hægt að beygja... ég er búin að gúggla og gúggla og finn ekki neitt

[Elma]

hérna er eitt eins og þú ert að pæla í að smíða
fiskabúr/fuglabúr

örugglega hægt að fá vírnet í Múrbúðinni eða Byko

[gudrungd]

einmitt eitthvað svona, er hægt að fá svona grindur einhvers staðar sem maður getur sagað niður og fest saman? ef ég nota vírnet þá þarf ég líka grind og hún má ekki vera úr tré!

[Agnes Helga]

Þú hlýtur að geta fundið e-h í byko eða húsasmiðjunni. Ertu búin að kíkja þangað og heyra í þeim þar?

[gudrungd]

það sem ég hef skoðað þar eru annað hvort þungar hillugrindur eða þessi týpísku hænsnanet. ég er jafnvel að spá í áprófíla svo að netið sé á milli. veit ekki hvað þannig kostar. ef maður fyndi svona grindur í sömu þykkt og fuglabúrin eru búin til úr og gæti beygt þær til.. þar sem þetta er fyrir skaðræðis nagara þá þíðir ekkert að hafa tré eða plast nema það sé hægt að skipta því út.

[ellixx]

við hjá poulsen erum með vírnet í mismunandi grófleikum allt frá nálarauga og upp í 25mm möskva ,en þetta er dýrt og sérstaklega það rústfría.

[ellixx]

255 10019 VÍRNET 3/4''X3/4''X1,4 SWG 55 19mm möskvi 1,4mm vír 2.998,00 per meter.
spurning hvort þetta myndi henta þér ?

kveðja
Erling
ps get öruglega reddað smá %

[gudrungd]

Hérna er búrið svo tilbúið, Takk ellixx fyrir aðstoðina með netið! allt sem er úr timbri, basti eða plasti verður tætt niður þannig að það þarf að vera annað hvort þannig að íbúarnir nái ekki í það eða útskiptanlegt. bakið er krossviður með álímdum þunnum stálplötum sem ég fékk í ikea. ég er bara frekar ánægð með mig þar sem ég smíðaði þetta alveg sjálf

Degúarnir eru mjög ánægðir, þetta eru yndisleg kvikindi, fjörug og ekki hrædd við neitt. dagdýr svo að það er ekki mikið næturbrölt. þeir eru ekki mikið fyrir ferskt grænmeti, vilja helst hey og köggla en þiggja hnetur og fræ í litlu magni. ég sló svo alveg í gegn með því að ofnþurrka gulrætur, sellerí og salatblöð, þeir hakka það í sig! þetta eru einmitt þurrkuð salatblöð sem þeir eru að éta á myndinni.

[keli]

Þetta er bara nokkuð fínt! Er einhver sérstök ástæða fyrir fiskabúrinu í botninum? Mér finnst það svolítið stinga í augun, væri ekki flottara að hafa allt búrið bara net?

[Elma]

ætli það sé ekki til þess að sagið fari ekki út um allt?

Alveg fínasta búr hjá þér Guðrún!
Mér finnst degu svo sæætir!
eru þetta tveir karlar?

[Andri Pogo]

hvað er þetta stórt fiskabúr undir? bara svona til að maður geri sér grein fyrir stærðinni

[stebbi]

hvar fékkstu svona dýr?

[Agnes Helga]

Flott búr hjá þér

Sá Degu t.d. í fiskó um daginn og heyrði þau væri líka til í dýragarðinum. Svo hefur þetta verið að ganga sölum á netinu.

[stebbi]

Aldrei séð þetta áður :S flott dýr samt

[gudrungd]

fiskabúrið er 128 lítrar, það er til að það sé hægt að hafa fullt af sagi án þess að það fari útum allt þeir elska að grafa í saginu. ég á bara eftir að hreinsa þetta í burtu og svo set ég fiskabúrið ca hálft af sagi, já þetta eru 2 kallar, ég ætla ekki í neina hvolpaframleiðslu.

[ellixx]

lítur rosalega vel út hjá þér.
kv
ellixx