Það hafa komið upp umræður öðru hverju um vatnsskipti með slöngu og margir ekki alveg með það á hreinu hvernig á að bera sig að við þau.
Ég ákvað því að taka myndir meðan ég skipti um vatn í tveimur fiskabúrum hjá mér, til að geta sett upp nokkuð ítarlegar leiðbeiningar á þessu annars auðvelda verki.
Þetta virðist kannski í fyrstu vera vesen en þegar maður hefur náð þessu er hægt að gera þetta blindandi.
Það er auðvitað tómt rugl að vesenast með einhver ílát, sulla í búrunum og bera endalaust fram og til baka.
Það endar oft með því að vatnsskiptin verða að kvöð og í versta falli hættir maður a nenna þeim og hættir jafnvel með fiskana.
Ég ætla að sýna vatnsskipti í 25L búri annarsvegar og 720L búri hins vegar.
Byrjum á 720L
Ég nota gula garðslöngu (þær grænu eru svo stífar) og malarryksugu sem passar beint á slönguna en ég ryksuga mölina í hvert skipti sem ég skipti um vatn.
Það er hægt að ryksuga sjaldnar en mér finnst líka bara gott að hafa malarryksuguna á svo fiskarnir festist ekki við slönguendann og til að halda slöngunni í búrinu en ef bara slanga er notuð gæti hún runnið úr búrinu og niður á gólf:
![Image](http://barnaland.is/album/img/15002/20091008222531_0.jpg)
Til þess að vatnið geti runnið úr búrinu þarf hinn endi slöngunnar að vera lægri, því vatn rennur jú bara niður en ekki upp.
Best er að hafa hæðarmismuninn sem mestan svo vatnið renni hraðar.
Búrið hjá mér er rétt við baðherbergið og ég læt renna í baðkerið:
![Image](http://barnaland.is/album/img/15002/20091008222536_1.jpg)
Þá þarf að koma rennslinu af stað.
Það er hægt að sjúga í ~2sek í hinn enda slöngunnar til að koma rennslinu af stað en ef malarryksuga er notuð er hægt að nota hana til að koma því af stað.
Fyrst þarf að fylla malarryksuguna af vatni og lyfta henni upp úr vatninu svo vatnið renni í slönguna:
![Image](http://barnaland.is/album/img/15002/20091008222542_3.jpg)
Þegar vatnið er að tæmast úr malarryksugunni er hægt að klípa í slönguna svo loft komist ekki í slönguna, en þá hættir rennslið:
![Image](http://barnaland.is/album/img/15002/20091008222539_2.jpg)
Því næst stingur maður malarryksugunni aftur í vatnið og lætur hana fyllast af vatnið áður en maður sleppir takinu á slöngunni:
![Image](http://barnaland.is/album/img/15002/20091008222545_4.jpg)
Þá ætti rennslið að vera komið af stað og maður getur byrjað að ryksuga botninn:
![Image](http://barnaland.is/album/img/15002/20091008222548_5.jpg)
Það fer eftir stærð búra hvað maður er lengi að ryksuga botninn, stundum nær maður varla að klára botninn þegar maður er búinn að taka nóg vatn en stundum er nægur tími. Ég ryksuga í nokkrar mínútur en svo legg ég bara slönguna frá mér og horfi á sjónvarpið eða geri eitthvað annað skemmtilegt meðan vatnið rennur úr:
![Image](http://barnaland.is/album/img/15002/20091008222607_12.jpg)
Þegar búið er að renna nóg vatn úr búrinu þarf bara að lyfta malarryksugunni upp úr vatninu til að stöðva flæðið:
![Image](http://barnaland.is/album/img/15002/20091008222610_13.jpg)
Þá er komið að því að láta nýtt vatn í, sama slangan er auðvitað notuð í það en til þess þarf krana og slöngutengi sem passar á kranann:
![Image](http://barnaland.is/album/img/15002/20091008222551_6.jpg)
![Image](http://barnaland.is/album/img/15002/20091008222553_7.jpg)
Ég finn rétt hitastig áður en ég tengi slönguna, svo ég sé ekki að sprauta ísköldu eða sjóðandi heitu vatni á fiskana á meðan ég finn rétt hitastig:
![Image](http://barnaland.is/album/img/15002/20091008222613_14.jpg)
Svo er bara að skella tenginu á og fylgjast með búrinu fyllast:
![Image](http://barnaland.is/album/img/15002/20091008222634_0.jpg)
![Image](http://barnaland.is/album/img/15002/20091008222638_1.jpg)
Bara passa að rétt hitastig haldist allan tímann, ég þarf öðru hverju að bæta við heitu því vatnið vill kólna smá með tímanum.
Næst á dagskrá er 25L smábúr.
Það er engin möl í búrinu og þar sem það er svo lítið nota ég ekki malarryksugu og þar sem búrið er ekki við vask læt ég ekki renna beint úr því eða beint í það því þá þyrfti ég að vera á hlaupum til að passa að það myndi ekki byrja að flæða uppúr því.
Ef búr eru nálægt krana er um að gera að sleppa fötunni.
Ég nota 10L plastfötu og glæra slöngu sem er nokkuð mjórri en garðslangan:
![Image](http://barnaland.is/album/img/15002/20091008222556_8.jpg)
Ég kem fötunni fyrir á gólfinu eða á stól við búrið og kem flæðinu af stað með því að sjúga úr slöngunni.
Ég ryksuga svo upp óétinn mat og óhreinindi:
![Image](http://barnaland.is/album/img/15002/20091008222558_9.jpg)
Þegar ég hef nánast fyllt fötuna lyfti ég slöngunni uppúr búrinu, tæmi úr slöngunni í fötuna og helli svo vatninu í vask.
Þessi stærð af fötu passar akkurat í eldhúsvask og þar fylli ég hana með nýju vatni:
![Image](http://barnaland.is/album/img/15002/20091008222601_10.jpg)
Svo er bara að hella í búrið.
Ég er svo heppinn að hafa vegg við hliðiná búrinu svo ég get skellt fötunni uppá hann og látið renna úr fötunni í búrið með sömu aðferð og ég notaði við að tæma búrið, með þessu móti stressast fiskarnir ekki jafn mikið og við það að hella úr fötunni beint í búrið:
![Image](http://barnaland.is/album/img/15002/20091008222604_11.jpg)
Það tók um 5mín að gera 50% vatnsskipti í 25L búrinu en nokkuð lengri tíma í 720L búrinu þar sem svo mikið vatn þarf að renna fram og tilbaka.
Það fór ekki einn einasti vatnsdropi á gólfið og ekki einn einasti svitadropi á ennið
![Smile :)](./images/smilies/icon_smile.gif)
Ég vona að þetta nýtist þeim sem ekki hafa tekið upp vatnsskipti með slöngum